«Jaıly mektep» ulttyq jobasy boıynsha salynatyn mektepter sany qysqarýy múmkin
«Úkimet 2022 jyly bilim berý ınfraqurylymyn qoldaý qoryn qurdy. Atalǵan qordyń qarajaty mektep qurylysyna jumsalady. 2023 jylǵy 1 maýsymdaǵy jaǵdaı boıynsha qor qarajaty esebinen 96,5 mlrd teńge somaǵa 78 myń oqýshy ornyna (eki aýysymda) 61 mektep salý isi qarjylandyryldy. Bıýdjet qarajatyn utymdy jáne tıimdi paıdalaný maqsatynda Oqý-aǵartý mınıstrligi óńirlerdiń ákimdikterimen birlesip, apatty obektilerdi joıý, úsh aýysymdyq oqytý jáne orta bilim berý uıymdarynda oqýshy oryndarynyń tapshylyǵy úshin óńirler bólinisinde jańa oqýshy oryndaryn engizý boıynsha qajettilikke qaıta taldaý júrgizdi. QR Premer-Mınıstriniń orynbasary Roman Sklıardyń tóraǵalyǵymen ótken 2023 jylǵy 17 sáýirdegi jıynda mektepter sanyn qysqartý jáne qurylysqa josparlanǵan mektepterdiń jobalyq qýatyn ońtaılandyrý jolymen «Jaıly mektep» ulttyq jobasy sheńberinde engiziletin oqýshy oryndarynyń sanyn ońtaılandyrý boıynsha jumys júrgizý tapsyryldy», - dep jazylǵan ózgeris engizilgeli otyrǵan Úkimet qaýlysynyń-jobasynda.
Osyǵan baılanysty, ulttyq joba aıasynda salynatyn bilim ordalary men qarajat kólemi qysqarýy múmkin.
«Ulttyq joba aıasynda salynyp jatqan nysandar sany 368 mektepti quraıdy. Jalpy, bekitilgen Ulttyq jobada - 401 mektep. ıAǵnı, olardyń sanyn 33 mektepke azaıtý kózdelgen. Al, Ulttyq jobaǵa saı aıqyndalǵan eki aýysymda oqıtyn mektepterdegi 842 myń oqýshy ornyn 104 myńǵa azaıtyp, 738,2 myń oqýshy ornyna arnap bekitý usynylady. Ulttyq jobany iske asyrýǵa arnalǵan bıýdjet shyǵystarynyń kólemi 2 606 596 055 myń teńge bolyp bekitilgen. Endi ol 61,8 mlrd teńgege tómendep, 2 544 789 842 myń teńge bolady», - delingen qaýlyda.
