Jaıly mektep: ulttyq joba aıasynda Almatyda 22 mektep salynady

ALMATY. QazAqparat - Almatyda «Jaıly mektep» ulttyq jobasy boıynsha qurylys qyrkúıek aıynda bastalady. Bul týaly qala ákimi Erbolat Dosaev Bostandyq aýdany turǵyndarymen kezdesýinde málim etti, dep habarlaıdy QazAqparat tilshisi.

«Almatyda «Jaıly mektep» baǵdarlamasy boıynsha qurylys qyrkúıek aıynda bastalady. Biz qazir ınjenerlik ınfraqurylymdy eskere otyryp, jobalardy daıyndap jatyrmyz, jerdi satyp alý jumystaryn aıaqtaımyz. Qurylys eki jolmen júzege asady: Samruk-Kazyna Construction biryńǵaı operatory arqyly, ol el boıynsha mektepterdi tıpteýdi qamtamasyz etedi. Memlekettik formadan basqa, baǵdarlama boıynsha jumys isteýge daıyn jeke kompanııalar bar. Olar óz ýchaskelerinde mektepter salady, sodan keıin olardy tıisti túrde qalaǵa beredi. Almatyda osy baǵdarlama aıasynda josparlanǵan 22 mekteptiń 15-i Samruk - Kazyna Construction jelisi boıynsha, 7 mektep-jeke ınvestorlardyń kúshimen salynady»,- dedi ol.

Sondaı-aq qala basshysy Bostandyq aýdanynda 6 jańa mektep pen 12 balabaqsha salynatynyn atap ótti.

«Bostandyq aýdanynda 9200 oryndyq 6 jańa mektep jáne 980 oryndyq 4 balabaqsha, sonymen birge, 400 oryndyq 8 jekemenshik balabaqsha salý josparda»,- dedi Erbolat Dosaev.