«Jaıly mektep»: ShQO-da qansha bilim mekemesi salynady
ShQO ákimdiginde ótken jınalys barysynda «Jaıly mektep» ulttyq jobasynyń iske asyrylý barysy talqylandy. Onyń aıasynda Shyǵys Qazaqstan oblysynda 4200 oryndyq 10 mektep salý josparlanýda.
«Jaıly mektep» jobasyn iske asyrýda Oqý-aǵartý mınıstrligimen ózara baılanysa otyryp, árbir qala, aýdannyń jergilikti erekshelikterin eskerý qajet», - dedi oblys ákimi Ermek Kósherbaev.
Sondaı-aq jıyn barysynda densaýlyq saqtaý máseleleri de sóz etildi. Búginde oblysta qajetti medıtsınalyq jabdyqtarmen jabdyqtalǵan 7 jyljymaly medıtsınalyq keshen jumys isteıdi.
«Jyljymaly medıtsınalyq keshender jumysynyń naqty tıimdiligin zertteý qajet. Bul jobanyń maqsaty – alys-shalǵaıdaǵy eldi mekenderdiń de ýaqtyly, sapaly medıtsınalyq kómekpen qamtamasyz etilýine múmkindik jasaý. Budan bólek, bizge osy ýaqytqa deıin óz tıimdiligin kórsetken PACS medıtsınalyq derekter almasý júıesin basqarýdy jetildirý boıynsha da jumysty kúsheıtý kerek», - dedi Ermek Kósherbaev.
