Jaıly mektep: Elordada bilim oshaqtarynyń qurylysy keler jyly bastalady

ASTANA. QazAqparat – Astanada «Jaıly mektep» ulttyq jobasy aıasynda 84 myń oqýshyǵa arnalǵan 23 mektep salynady. Bul týraly elorda ákimi Altaı Kólginov áleýmettik jelidegi resmı paraqshasynda jazdy, dep habarlaıdy QazAqparat tilshisi.

«Elorda turǵyndarynyń jyl saıyn artyp kele jatqany eskerilip, oqý oryndary ornalasatyn jer ýchaskeleriniń de sanyn kóbeıttik. Qazirgi ýaqytta mektep salynatyn 102 jer ýchaskesin belgiledik. Jer ýchaskeleri áleýmettik nysandardyń qajettilikterine oraı qalanyń barlyq aýdanynda ornalasqan.

Memleket basshysynyń tapsyrmasy boıynsha «Jaıly mektep» ulttyq jobasy aıasynda 23 asa iri mekteptiń jobasyn júrgizip jatyrmyz. Bul 23 mektep 2 aýysymda 84 myńnan astam oqýshyny qamtýǵa múmkindik beredi. «Jaıly mektep» jobasy aıasynda bilim oshaqtarynyń qurylysyn kelesi jyly bastaımyz», - dep jazdy qala ákimi óziniń Іnstagram paraqshasynda.

Onyń atap ótýinshe, 2019 jyldan bastap elordada aýmaǵynda 93 myń oqýshy ornyna arnalǵan 2 aýysymdy 45 mektep salynǵan. Buǵan qosa, bıylǵy jyldyń sońyna deıin taǵy 9 bilim ordasy ashylmaq.

Foto: gov.kz