«Jaıly mektepterge» jańa formattaǵy 7 myń pedagog daıarlanady
ASTANA. KAZINFORM – Joǵary bilimdi jáne ǵylymdy damytýdyń 2023 - 2029 jyldarǵa arnalǵan tujyrymdamasyna engiziletin ózgertýler men tolyqtyrýlar jobasy týraly úkimet qaýlysynyń jobasynda «Jaıly mektepterge» arnaıy pedagogter daıarlanatyny kórsetilgen.
«Jaıly mektep» jobasy aıasynda bolashaq mektepter úshin jańa formatsııadaǵy muǵalimder daıyndalady. Eldegi ózgermeli demografııalyq ahýaldy jáne pedagog kadrlardyń qartaıýyn eskere otyryp, pedagog kadrlarǵa qajettilikterdi boljaý júıesin qurý boıynsha zertteýler júrgiziletin bolady. Mektepterdiń jańa úlgilerine sáıkes bilim berý baǵdarlamalary ózektendiriledi. Bolashaq muǵalimderdiń zertteý quzyrettiligin damytý úshin «Іs-árekettegi zertteý», «Bilim berýdegi derekterdi zertteý jáne taldaý ádisteri» pánderi engiziledi», - delingen tujyrymdama jobasynda.
Tıisti ózgertýler bakalavrıat – magıstratýra – doktorantýra tizbeginde sabaqtastyqpen saqtalýy kerektigi aıtylǵan. Tujyrymdamany iske asyrý josparynda osy maqsatpen «Jaıly mektep» jobasy aıasynda salynatyn mektepterde sabaq beretin 7 myń muǵalimdi jańa tásilmen daıyndaý 2023-29 jyldar aralyǵynda iske asatyny aıtylǵan.
«Jaıly mektep» jobasy sheńberinde jańa formatsııadaǵy muǵalimderdi daıarlaý úshin pedagogıkalyq baǵyttar boıynsha keminde 7 myń memlekettik bilim berý granttaryn bólinedi», - delingen qujatta.
Qujat 18 sáýirge deıin qoǵam talqysynda bolady.
