Jaıly mektepter jobalaý tapsyrmasyna sáıkestendirilip jatyr
Seısmıkalyq jáne klımattyq aımaqtarda mektep salý kezinde qoldanýǵa bolatyn jobalar ázirlendi. Bul týraly «Samruk-Kazyna Construction» AQ-tan málim etti, dep habarlaıdy Kazinform.
«Samruk-Kazyna Construction» AQ «Jaıly mektep» ulttyq jobasynyń jobalaý tapsyrmasy daıyn emestigi týraly aqparattyń shyndyqqa janaspaıtyndyǵyn atap ótedi.
«Jobalaý tapsyrmasy 2023 jyldyń 12 qańtarynda QR Úkimetiniń qaýlysymen bekitilgen. Ulttyq jobany iske asyrý jónindegi Úkimettiń jańartylǵan qaýlysynda jobalaý tapsyrmasyna birqatar ózgeris engizildi. Sondyqtan jaıly mektepterdiń jobalaryn oǵan sáıkestendirý boıynsha tıisti jumystar júrgizilip jatyr. Búginde úsh seısmıkalyq jáne eki klımattyq aımaq boıynsha qaıta qoldanýǵa arnalǵan 31 joba jáne 6 derbes joba ázirlendi. Daıyn jobalyq-smetalyq qujattama jyl sońyna deıin saraptamadan shyǵady dep josparlanýda. Bul jobalardy bolashaqta basqa bilim berý nysandaryn salý úshin paıdalanýǵa bolady», - delingen kompanııanyń agenttiktiń resmı saýalyna bergen jaýabynda.
