Qazaqstanda jyl basynan beri 16 myń neke tirkelip, 56 myń bala dúnıege keldi
ASTANA. KAZINFORM - Búgin Qazaqstanda Azamattyq hal aktilerin tirkeý (AHAT) qyzmetkerleri kúni atalyp ótti.
Osy merekege oraı elordada ótken jıynda «Azamattarǵa arnalǵan úkimet» memlekettik korporatsııasynyń basqarma tóraǵasy Arman Kenjeǵalıev 50 jáne 25 jyldaı birge turyp kele jatqan juptarǵa mekemeniń eltańbaly móri qoıylǵan neke kýáligin tabystady.
- AHAT qyzmetkerleriniń jumysy – qoǵam úshin asa mańyzdy. Máselen, 2024 jyly 125 544 neke tirkelip, 388 032 sábıge týý týraly kýálik berildi. Al jyl basynan beri 16 023 neke men 56 629 týý tirkeldi. 2023 jyldyń 1 shildesinen bastap AHAT bólimderi «Azamattarǵa arnalǵan úkimet» memlekettik korporatsııasynyń qaramaǵyna berilgein aıta ketken jón», – dedi Arman Kenjeǵalıev.
Aıta keteıik, el boıynsha AHAT júıesinde 825 qyzmetker eńbek etedi.
Osyǵan deıin Ulttyq statıstıka bıýrosy ótken jyldyń demografııalyq jaǵdaıy týraly statıstıkalyq málimetter jarııalady.