«Jaıly mektep» jobasynyń júzege asyrylýy qoǵam baqylaýynda bolady
Oqý-aǵartý mınıstrligi «Jaıly mektep»jobasynyń júzege asyrylý barysyna qoǵamdyq monıtorıng júrgizbek. Bul týraly Oqý-aǵartý vıtse-mınıstri Edil Ospan aıtty, dep habarlaıdy Kazinform.
«Mınıstrlik tarapynan «Jaıly mektep» ulttyq jobasyn sapaly iske asyrý boıynsha birqatar mańyzdy is-sharalar qolǵa alynyp jatyr. Biz balalar men oqytýshylardyń kóńilinen shyǵatyn jańa mektepter salýdy josparlap otyrmyz. Osy jumysty ákimdiktermen, biryńǵaı operatormen jáne otandyq taýar óndirýshilermen birlese uıymdastyrýymyz qajet. Bul jumysqa barynsha qoldaý kórsetýge, ádistemelik súıemeldeýge daıynbyz. Biz qoǵamdyq monıtorınggi iskee qosýdy josparlap otyrmyz», - dedi vıtse-mınıstr «Samuryq-Qazyna» qorynyń baspasóz qyzmeti alańynda ótken baspasóz máslıhatynda.
Osy rette Edil Ospan múddeli taraptar men qoǵamdyq uıymdardyń belsendi múshelerin «Jaıly mektep» ulttyq jobasyn iske asyrý barysyn birleske qadaǵalaýǵa shaqyrdy.
Al «Samruk-Kazyna Construction» AQ basqarma tóraǵasynyń birinshi orynbasary Ǵabıt Malǵazdarov 2023-2024 jyldary aralyǵynda elimiz boıynsha birinshi kezekte salynatyn 208 mekteptiń qurylysyna qatysty konkýrstyq rásim aıaqtalǵanyn aıtty.
«Pılottyq ulttyq jobany iske asyrý aıasynda mektepterdi jobalap, salyp, jaraqtandyryp, daıyn kúıde tapsyrý boıynsha merdigerlermen 204 shart jasaldy. Qalǵan 4 mektep boıynsha shart jasalyp jatyr», - dedi ol.
