«Jaıly mektep»: Pavlodarda jyl sońyna deıin jańadan eki bilim uıasy salynady
PAVLODAR. KAZINFORM -Nátıjesinde oblys ortalyǵynda qosymsha 1800 oqýshyǵa arnalǵan jańa oryndar paıda bolady. Qurylystardy «Samruk-Kazyna» ál-aýqat qory qarjylandyrdy.
Dostyq shaǵyn aýdanynda boı kóterip jatqan 1200 oryndyq mektep 3 qabatty etip salynyp jatyr. Bilim ordasyn salýda barlyq zamanaýı tehnologııalar men eń joǵary standarttar qoldanylýda. Oqý kabınetterinen bólek, úlken májilis zaly jáne úsh sport zaly kózdelgen. Mektep aýmaǵynda fýtbol, basketbol, hokkeı alańdary, trenajerlar, vorkaýt, túrli oıyndarǵa arnalǵan alańdar, júgirý joldary jáne t.b. ornalasady.
Oblys ákimdiginiń baspasóz qyzmeti habarlaǵandaı, taǵy bir jańa zamanaýı mektep Q. Maqpaleev atyndaǵy №4 mekteptiń janynda boı kóteredi. Oqý orny 600 orynǵa eseptelgen. Mamandar bolashaq oqý uıasynyń irgetasyn qalaý jáne ınjenerlik jelilerdi salý úshin daıyndyq jumystaryn júrgizip jatyr.
Eske sala keteıik, «Jaıly mektep» ulttyq jobasy aıasynda Pavlodarda jańadan jalpy sany 5 bilim uıasy salynady dep josparlanǵan.
Taǵy 3 mektep te Pavlodar qalasynda turǵyzylady. Jobany iske asyrýdyń ekinshi kezeńinde mektepter Jastar, Ýsolka jáne Shyǵys shaǵyn aýdandarynda ashylady.
