«Jaıly mektep»: Keıbir bilim ordasyn salýǵa jer ýchaskesi bólinbegen

ASTANA. KAZINFORM – «Jaıly mektep» ulttyq jobasyn iske asyrý máselesi eksperttik-saraptamalyq is-sharalarmen qamtyldy. Bul jaıynda Joǵary aýdıtorlyq palatadan málim etti.

«Jaıly mektep» ulttyq jobasyn iske asyrý máselesi eksperttik-saraptamalyq is-sharalarmen qamtyldy. Onyń qorytyndysyna oraı mektepterdń jobalyq-smetalyq qujattamasyz salyný faktilerin atap ótken jón. Jekelegen mektepterdi salýǵa jer ýchaskesin bólý máselesi sheshilmegen. Jalpy, atalǵan jobany júzege asyrý barysynda anyqtalǵan kemshilikter qarjylandyrýdyń búkil somasynyń 38 paıyz ǵana ıgerýge alyp kelgen», - dep atap ótedi palatadan agenttiktiń resmı saýalyna oraı.

Joǵary aýdıtorlyq palatanyń múshesi Nurlan Nurjanov «Jaıly mektep» jáne «Aýylda densaýlyq saqtaýdy jańǵyrtý» atty eki pılottyq ulttyq jobany iske asyrýdaǵy kemshilikterdi ataǵan bolatyn. 

«Joǵary aýdıtorlyq palata «Jaıly mektep» jáne «Aýylda densaýlyq saqtaýdy jańǵyrtý» atty eki pılottyq ulttyq jobanyń iske asyrylýyna aralyq baǵalaý júrgizdi. «Jaıly mektep» jobasynda árbir mektep boıynsha jobalyq-smetalyq qujattama ázirleýge jumsalatyn shyǵyndardyń shart somasynan 3% deıin ulǵaıtylǵany anyqtaldy. Jalpy 26 JSQ quny esep aıyrysý qunymen salystyrǵanda 45 mlrd teńgeden asqan», - dedi N. Nurjanov.