Jaıly mektep qandaı bolady: Bilim ordasynyń ishki 3D týry iske qosyldy
ASTANA. KAZINFORM - Joba aıasyndaǵy mektepterdiń ornalasatyn orny men toltyrylýy týraly málimetti, sondaı-aq ózekti suraqtarǵa jaýaptardy «Jaıly mektep» ulttyq jobasynyń resmı paraqshasynan tabýǵa bolady. Bul jaıynda Oqý-aǵartý mınıstrligi biryńǵaı operator Samruk-Kazyna Construction-ǵa silteme jasap habarlady.
3D týrdy myna siltemede tamashalaýǵa bolady.
Úsh deńgeıli úlgide mekteptiń ishki qurylysy, synyptardyń, ashananyń, sport zaldarynyń, dálizdiń ornalasýy kórsetilgen.
Kórinister meılinshe shynaıyǵa jaqyndatylǵan, munda ınterer dızaınyn, jıhazdardy, bezendirilýin tamashalaýǵa bolady.
Budan basqa keri baılanys nysany arqyly kez-kelgen suraqqa jaýap alýǵa bolady.
Memleket basshysynyń tapsyrmasymen oqýshy ornynyń tapshylyǵyn sheshý, apattyq jaǵdaıdaǵy jáne úsh aýysymdy mektepterdi joıý maqsatynda Qazaqstanda «Jaıly mektep» jobasy júzege asyp jatyr.
Joba aıasynda 740 myń orynǵa arnalǵan 369 jańa formattaǵy mektep salynady, onyń 217-si osy jyldyń sońyna deıin, qalǵan 152 mektep 2025 jyly paıdalanýǵa beriledi.
Buǵan deıin QR Oqý-aǵartý mınıstrligi zamanaýı ergonomıkalyq jáne qaýipsiz bilim ortasyn qurý maqsatynda qajetti normatıvti quqyqtyq baza ázirlenip, mektep qurylysy kezindegi talaptardy belgilegen bolatyn.
Sonymen qatar bolashaq jaıly mektepterde oqý protsesin tıimdi uıymdastyrý jáne ony sapaly kadrlarmen qamtamasyz etý boıynsha jumys júrip jatyr.
