Jaıly mektep: Dál qazir 217 bilim ordasy boıynsha belsendi jumys júrip jatyr
Úkimette QR Premer-Mınıstri Álıhan Smaıylovtyń tóraǵalyǵymen ótken keńeste «Jaıly mektep» ulttyq jobasyn iske asyrý barysy qaraldy, dep habarlaıdy Primeminister.kz.
Keńeske qatysýshylar jańa bilim ordalaryn jobalaý jáne salý, olardy zamanaýı jabdyqtarmen jáne jıhazben jaraqtandyrý, memlekettik saraptama júrgizý, qarjylandyrý jáne basqa da birqatar máseleni talqylady.
Búgingi tańda 217 mektep boıynsha belsendi jumys júrip jatyr. Barlyq protsess jobalyq basqarýdyń arnaıy aqparattyq júıesinde baqylanady.
Onda sondaı-aq naqty ýaqyt rejıminde qurylys-montajdaý jumystarynyń barysyn baqylaýǵa bolady.
Jalpy 2026 jylǵa deıin ulttyq joba aıasynda 740 myń oqýshyǵa arnalǵan jańa formattaǵy 369 mektep salý kózdelgen.
Álıhan Smaıylovtyń aıtýynsha, ýákiletti memlekettik organdar men uıymdar jumystardyń oryndalý sapasyn muqııat qadaǵalap, nysandardyń baǵasyn negizsiz kóterýge jol bermeýi tıis.
Mektepterdi belgilengen merzimde tapsyrý qajet.
