«Jaılaý» baǵdarlamasy: fermerler 350 mln teńgege deıin qarjy ala alady
ASTANA. KAZINFORM — «Jaılaý» baǵdarlamasy aıasynda mal sharýashylyǵyn damytýǵa 350 mln teńgege deıin qarjy alýǵa bolady. Bul týraly Qazaqtyń aqbas tuqymy respýblıkalyq palatasynyń atqarýshy dırektory, fermer Bahtııar Ótelbaev BIZDIÑ ORTA podkastynda aıtty.
— «Jaılaý» baǵdarlamasy boıynsha 350 mln teńgege deıin qarjy qarastyrylǵan. Sonyń 85%-yna «Damý» qory kepildik beredi. Bul qarjyǵa qora, mal alýǵa bolady, — dedi Bahtııar Ótelbaev.
Onyń sózinshe, baǵdarlama otbasylyq sharýashylyq quryp, mal ósirýge múmkindik beredi. Nesıe jeti jylǵa beriledi, al tólem eki jyldan keıin bastalady.
— Nesıeni jeti jylǵa alasyz. Eki jyldan keıin tóleı bastaısyz, — dedi ol.
Ótelbaev sharýashylyq ashqysy keletinder úshin kepil múlki máselesine de toqtaldy.
— Mysaly, 350 mln teńge alý úshin kepil kórsetý kerek. Al mende ondaı kepil joq delik. «Damý» kepildik berip otyr. Sonda qalǵan 15%-yna aýyldaǵy úıińizdi, qorańyzdy eseptep, kepilge qoıa alasyz. Buryn bul úlken másele edi. Qazir ol da sheshilip otyr, — dedi fermer.
Buǵan deıin Abaı oblysynda fermer mal jaıýdy avtomattandyrǵanyn jazǵan edik.
