Jaıyqtyń jaıy áli alańdatyp otyr

ASTANA. KAZINFORM – Atyraý oblysy Inder aýdanynda Jaıyq ózeni shektik deńgeıden 11 santımetrden asyp tústi.

«Jaıyq ózeniniń jaǵasynda ornalasqan aýyldarda táýlik boıy kezekshilik pýnktteri uıymdastyryldy», - dedi oblys ákiminiń baspasóz hatshysy Rýslan Jumaǵazıev Ortalyq kommýnıkatsııalar alańynda ótken brıfıngte.

Mahambet aýdanynda Jaıyq ózeni shektik deńgeıge jaqyndap keledi. Búginde sý deńgeıi 848 sm-ge teń. Al, shekti kórsetkish — 850 sm. Bul rette, bógetterdi kóterý jáne nyǵaıtý boıynsha jumystar júrgizilýde.

Qulsary qalasynda sońǵy táýlikte 78 úıden sý sorylǵan. Búginde 27 úı áli sý astynda qalyp otyr.