Jaıyqtaǵy sý deńgeıi Oral qalasyndaǵy gıdrobekette 460 santımetrge jýyqtady

ORAL. KAZINFORM — Batys Qazaqstan oblysynda Jaıyq ózenindegi sý deńgeıi Bórli aýdany Jarsýat aýylyndaǵy gıdrobeketten basqasynyń bárinde kóterildi.

«Qazgıdromet» RMK BQO fılıalynyń búgin tańdaǵy málimetine qaraǵanda, Jarsýatta bir táýlikte 3 santımetrge tómendep, 644 santımetrdi (qaýipti shegi – 1 myń sm) kórsetti.

Al Báıterek aýdany ıAnvartsev aýylynda 545 sm (+ 2 sm), Oral qalasynda 458 sm (+ 6 sm), Kóshimde 441 sm (+ 5 sm), Taıpaqta 403 santımetr (+ 9 sm) boldy. 

Sý tasqyny kezeńi bastalǵannan beri Jarsýatta Jaıyq arnasy 339 sm, Oralda 299 santımetrge joǵarylady.

Reseıdiń Orynbor oblysyndaǵy Irekli qoımasynan Jaıyqqa burynǵysha sekýndyna 15 tekshe metr sý jiberilýde.

Oblystyń basqa ózenderinde tasqynnyń beti qaıtty. Tek birqatarynda sońǵy táýlikte sý deńgeıiniń sál-pál óskeni baıqalady.

Ótken jyly Jaıyq ózenindegi sý deńgeıi qaýipti sheginen (850 sm) asyp, 864 santımetrge jetkeni málim. 

Eske sala keteıik, budan buryn Jaıyq ózenindegi sý deńgeıi Oral qalasynyń tusynda 424 santımetrge jetkenin jazǵan bolatynbyz.