Jaıyq jaǵasyndaǵy 84 eldi mekendi aman alyp qaldyq – Shyńǵys Árinov
ASTANA. KAZINFORM – Tótenshe jaǵdaılar mınıstri Shyńǵys Árinov «Biz birgemiz» jalpyulttyq telekópirinde Jaıyq boıyndaǵy jaǵdaı týraly málimet usyndy.
«Qazirgi tańda Jaıyqtyń qaterli tolqyny Batys Qazaqstan óńirinen ótip, Atyraý oblysyna betaldy. Biraq Jaıyq boıyndaǵy 84 eldi mekendi aman alyp qaldyq dep aıtsaq bolady. Oǵan der kezinde atqarylǵan daıyndyq jumystary sebep boldy. Ózderińiz kórdińizder, qanshama shaqyrym bóget salyndy. Búkil el bolyp barlyq óńirden arnaıy tehnıka, kúsh qurylymdary kelip jatyr. Sonyń arqasynda bári ýaqytynda istelip, Jaıyq deńgeıi kóterilgenine qaramastan 84 eldi mekenge eshqandaı qaýip bolǵan joq», - dedi ol.
Vedomstvo basshysy osy jumystarǵa atsalysqan barsha qazaqstandyqtarǵa alǵys aıtty.
«Osy sátti paıdalanyp, ózimizdiń qutqarýshylarǵa, Qarýly Kúshterdiń, Іshki ister mınıstrliginiń, Ulttyq qaýipsizdik komıtetiniń, Memlekettik kúzet qyzmetiniń ókiledirne, barlyq kúshtik qurylymdardyń sarbazdaryna rızashylyǵymdy bildiremin. Sondaı-aq, tasymaldaýǵa atsalysqan QTJ ulttyq kompanııasynyń ókilderine, tasqynmen kúreske atsalysqan adamdardyń bárine rahmet aıtqym keledi», - dedi mınıstr.
