«Jaıyq» voleıbol klýbynyń Azııa chempıondar lıgasyndaǵy qarsylasy anyqtaldy

ORAL. KAZINFORM – Indonezııanyń Pontıanak qalasynda 13-17 mamyr aralyǵynda voleıboldan Azııa chempıondar lıgasynyń oıyndary ótedi. 

«Jaıyq» voleıbol klýbynan málim etkenindeı, atalmysh dodada sary qurlyqtyń eń úzdik 8 komandasy synǵa túsedi.

Qazaqstandyq maman Vıktor Kozık jattyqtyratyn oraldyqtar bastapqy kezeńde ındonezııalyq «Jakarta Bhayangkara Presisi» komandasymen sheberlik baıqasady. 

Jeńgen klýb katarlyq «Al Rayyan» men koreıalyq «Hyundai Capital SkyWalkers» komandalarynyń úzdik shyqqanymen fınal joldamasyn sarapqa salady.

Ekinshi topta japondyq «Rep. of SV. League», taılandtyq «Nakhonratchasima Qmin C VC», ırandyq «Foolad Sirjan Iranian» jáne taǵy bir ındonezııalyq «Jakarta Garuda Jaya» komandalary oınaıdy.

Eske sala keteıik, budan buryn voleıboldan kósh basyndaǵy «Jetisý» klýbynyń «Atyraýdan» basym túskenin jazǵan bolatynbyz.

«Jaıyq» klýby «Jetisýdyń» jeńisti serııasyn toqtatty.