«Jaıyq» voleıbol klýby Ortalyq Azııa chempıonatynda baq synaıdy

ORAL. KAZINFORM — Voleıboldan Qazaqstan chempıony «Jaıyq» klýby 17-23 shilde aralyǵynda Maldıv araldarynyń astanasy Male qalasynda ótetin Ortalyq Azııa chempıondar lıgasynda óner kórsetedi.

«Jaıyq» voleıbol klýbynyń basshysy Azamat Nurmuhanbetovtiń aıtýynsha, komanda oqý-jattyǵý jıynyn sapaly ótkizdi. Endi nátıjeli oıyn órnegin kórsetýge bar sheberligin salady. 

Qazaqstan voleıbol federatsııasynan túsken málimetke qaraǵanda, Ortalyq Azııa chempıondar lıgasynda barlyǵy alty komanda baq synaıdy.

Qazaqstandyq maman Vıktor Kozık baptaıtyn «Jaıyqtyń» bıylǵy chempıondyq quramynan segiz oıynshy tizimge engen. Sonymen qatar Almatynyń «Býrevestnıginen» Sergeı Kýznetsov pen Klım Rıýhov, kúmis júldeger «Aqtóbeden» Qadyrhan Nodırhanov, bıyl úzdik úshtikke engen «Atyraýdan» Oral voleıbolynyń túlegi Petr Chýrzın qosyldy. 

V.Kozıktiń shákirtteri alǵashqy kezdesýin 17 shilde kúni «Ports Authority» (Shrı-Lanka) komandasymen ótkizedi. 

Bıyl Vıktor Kozık jattyqtyratyn Qazaqstan erler qurama komandasy Izraıl men Irannyń arasyndaǵy qaqtyǵysqa baılanysty Bahreındegi Ulttar kýbogyna qatysa almaı qalǵan edi. 

Eske sala keteıik, budan buryn voleıboldan Qazaqstan jasóspirimder quramasy Azııa chempıonatyn jeńispen bastaǵanyn jazǵan edik.

Taılandta 16 jasqa deıingiler arasynda ótip jatqan Azııa chempıonatynda Qazaqstan jasóspirimder quramasy Gonkongty jeńgenimen, Indonezııadan 1:3, Azııa jeńimpazy Irannan 0:3 esebimen utylyp qaldy. Endi qazaqstandyqtar tek 9-15 oryndar úshin talasady.