«Jaıyq» voleıbol klýby Qazaqstan chempıonatynyń qola júldesin jeńip aldy
ASTANA. KAZINFORM — Aqtóbe qalasynda voleıboldan erlerdiń ulttyq lıga komandalary arasynda Qazaqstan chempıonatynyń qola júldegeri anyqtaldy.
Qola júlde úshin básekede Vıktor Kozık jattyqtyratyn Oraldyń «Jaıyǵy» men «Atyraý» klýby (bas bapkeri Igor Nıkolchenko) ekinshi kezdesýin ótkizdi.
Keshe oraldyqtar 3:1 esebimen basym túsken bolatyn. Qos komanda keshegi quramdy ózgerte qoıǵan joq. Bul joly «Jaıyq» klýby úsh sette jeńiske jetti – 3:0 (25:22, 25:22, 25:20).
Osylaısha, ótken jyly el chempıony atanǵan V.Kozıktiń shákirtteri bıyl qola júldeni qanaǵat tutty. Al 2025 jyly úzdik úshtikti túıindegen atyraýlyqtar bıyl júldesiz qaldy.
Eske sala keteıik, budan buryn voleıboldan Qazaqstan chempıonatynda altyn úshin talasta «Aqtóbe» alǵa shyqqanyn jazǵan bolatynbyz.
