Jaıyq sýy tasydy: Atyraý-Oral jolynyń 80-85-shaqyrym aralyǵy jabylýy múmkin

ATYRAÝ. KAZINFORM — Atyraý-Oral trassasynyń 80-85-shaqyrymynyń aralyǵy jabylýy múmkin.

Atyraý oblysy ákiminiń orynbasary Qaırat Nurtaevtyń aıtýynsha, Jaıyq ózeniniń sýy arnasynan asqan. 

Osyǵan baılanysty Atyraý-Oral trassasynyń 80-85-shaqyrymy aralyǵynda jeńil avtokólik qozǵalysy búginnen bastap toqtatylýy múmkin.

Kólik júrgizýshilerine balama nusqa retinde oblystyq mańyzy bar Atyraý-Inder trassasymen júrý usynylyp otyr.

Mahambet jáne Inder aýdanynyń Jaıyq ózeniniń oń jaǵalaýynda ornalasqan eldi mekenderine qatynaý úshin Mahambet-Ortaqshyl aýylynyń mańyndaǵy kópirden ótýge bolady. 

Eske sala ketelik, budan buryn Atyraý-Inder trassasy sý ótkizetin 6 qubyr salý úshin taǵy ýaqytsha jabylatynyn jazǵan edik.