Jaıyq sýy Atyraýda 6 metrge jetti

ATYRAÝ. KAZINFORM – Búgin Jaıyq ózenindegi sý deńgeıi Atyraý qalasynda 6 metrge jetti. Biraq bul áli sharyqtaý shegi emes.

Atyraý oblysynyń Tótenshe jaǵdaılar departamenti basshysynyń orynbasary Rýslan Sharıevtyń aıtýynsha, sońǵy kúnderi Jaıyq ózeniniń sýy Mahambet aýdanynda sharyqtaý shegine jetken.

«Al Atyraý qalasynda Jaıyq ózenindegi sý deńgeıi 6 metrge deıin kóterilip tur. Mol sý áli kelip jatyr. Sý tasqyny Mahambet aýdanynan beri aqqan aqqan sý Jaıyq ózeniniń Atyraý qalasyna deıingi bóligin toltyryp, Sokolok jáne Saryózek kanaldaryna da quıylyp jatyr. Qazir sý kanaldardyń arnasyna syımaı tur. Ázirge Atyraý qalasynda sý tasqyny bastalatyn ýaqytty naqty boljaı almaımyz», - dedi Rýslan Sharıev.

Eske sala ketelik, buǵan deıin tasqyn sý Atyraýdyń soltústik bóligindegi eldi mekenderge qaýip tóndirip turǵanyn jazǵan bolatynbyz.