Jaıyq pen Esilde sý deńgeıi kóterildi
ASTANA. KAZINFORM – Batys Qazaqstan jáne Soltústik Qazaqstan óńirlerine kómekke barǵan Tótenshe jaǵdaı, Qorǵanys jáne Іshki ister mınıstrlikteriniń kúshteri men quraldary turaqty ornalasý oryndaryna qaıtarylýda. Bul týraly Tótenshe jaǵdaılar mınıstrliginiń ókili Asqar Shárip aıtty.
«Jaıyq jáne Esil ózenderine sýdyń kelýine baılanysty Atyraý, Batys jáne Soltústik Qazaqstan oblystary baqylaýda. Sý deńgeıiniń kóterilýi baıqalady, monıtorıng jalǵasýda», - dedi A.Shárip Ortalyq kommýnıkatsııalar qyzmetinde.
Jaıyq ózeni boıynda sý tasqynyn boldyrmaý maqsatynda Atyraý qalasynda, Inder jáne Mahambet aýdandaryndaǵy aýyldyq okrýgterde bógetterdi nyǵaıtý jumystary jalǵasýda.
Buǵan deıin bronnan shyǵarylǵan jyljymaly sorǵy stantsııalaryn qoldaný arqyly sý basqan aýmaqtardan sý sorý jumystary júrgizilýde.
Avarııalyq-qutqarý jáne sý tasqynyna qarsy jumystarǵa 25 myńnan astam adam, 3 myń tehnıka, 633 sý sorý quraly, 268 júzý quraly, 14 áýe kemesi jumyldyryldy.
