Jaıyq ózeniniń deńgeıi Taıpaq aýylynda 25 santımetrge kóterildi

ORAL. KAZINFORM – Batys Qazaqstan oblysynda Jaıyq ózenindegi sý deńgeıi Aqjaıyq aýdany Taıpaq aýyly tusynda bir táýlikte 25 santımetrge kóterildi.

«Qazgıdromet» RMK BQO fılıalynan málim etkenindeı, 28 sáýir kúni tańǵy saǵat 08.00-de Taıpaq gıdrobeketinde sý deńgeıi 606 santımetrge (qaýipti shegi – 850 sm) jetti.

Jaıyqtaǵy sý deńgeıi ıAnvartsev gıdrobeketinde bir táýlikte 10 (854 sm, qaýipti shegi – 1 250 sm), Oralda 5 (846 sm, 850 sm), Kóshimde 3 (849 sm, 850 sm) santımetrge tústi.

Sondaı-aq Kóshim kanalynda birden 40 (780 sm, 800 sm), Elek ózeni Shyńǵyrlaýda 22 (683 sm, 750 sm) santımetrge tómendedi.

Shaǵan ózeni Chývashın tusynda 725 santımetrdi (-4, qaýipti shegi – 1 300 sm) kórsetti.

Eske sala keteıik, budan buryn BQO-da Jaıyq ózeninen Jaıyq-Kóshim júıesine sekýndyna 116 tekshe metr sý jiberilip jatqanyn jazǵan bolatynbyz.