Jaıyq ózeniniń deńgeıi Oral qalasy tusynda 685 santımetrge jetti
ORAL. KAZINFORM — Jaıyq ózeniniń deńgeıi Oral qalasy tusynda 685 santımetrge (qaýipti shegi – 850 sm) jetti.
«Qazgıdromet» RMK BQO fılıalynyń dırektory Tilegen Shapanovtyń málim etkenindeı, 6 sáýir kúngi tańǵy saǵat 08.00-degi málimet boıynsha ózen sýy bir táýlikte 24 santımetrge kóterildi.
Sondaı-aq Jaıyq Báıterek aýdany ıAnvartsev aýyly tusynda 739 (ósim – 41, qaýipti shegi – 1250 sm), Kóshim gıdrobeketinde 608 (+55, 850 sm) santımetrdi kórsetti.
«Oǵan qosa Shaǵan ózeni Chývashın beketinde 1 322 santımetrge (+12, 1300) joǵarylady. Oblysta basqa ózenderde sý deńgeıiniń túsýi baıqalady», – dedi T.Shapanov.
BQO TJ departamenti bastyǵynyń orynbasary Qanat Qarabalaevtyń aıtýynsha, Asan aýyly aýdanyndaǵy turmystyq qatty qaldyqtar polıgonynda 12 myń qap toltyryldy. Oǵan QR TJ mınıstrligi, jergilikti atqarýshy organdar, Ulttyq ulan jáne «Oral «Zenıt» zaýyty» AQ-dan 132 adam (6 tehnıka) jumyldyryldy.
«Jaıyq ózeni jaıylmalarynda ornalasqan 1, 2, 3-saıajaı qoǵamdastyqtary jáne «Nurly jol» baý-baqsha seriktestiginde turǵyndarǵa qaýipsiz jerlerge aldyn ala kóshý qajettigi túsindirildi. Shaǵan, Derkól jáne Jaıyq ózeniniń deńgeıine 12 jerde monıtorıng júrgizilýde. «Lesovod-1» baý-baqsha seriktestiginen 3 adam evakýatsııalandy. Sonymen qatar Báıterek aýdany ıAnvartsev, Darııan, Rýbejka jáne Ozernyı aýyldarynda bógetter nyǵaıtyldy. Mıchýrın men Asan aýyly tusynda jaǵalaýdy bekitý jumystary atqaryldy. Qaýipti ýchaskelerdi aralaý kezinde Jalyn eldi mekeninen 1 shaqyrym jerde «Artýr» sharýa qojalyǵynda 4 adamnyń qalǵany anyqtaldy. Olar evakýatsııalaýdan bas tartty. Óńirde sý tasqynyna qarsy kúres jalǵasyp jatyr», – dedi Q.Qarabalaev.
Eske sala keteıik, budan buryn Batys Qazaqstan oblysynda sýǵa ketken 552 úıdiń 292-si jaramsyz ekendigin jazǵan bolatynbyz.
