Jaıyq ózenindegi sý deńgeıi qanshaǵa deıin kóterilýi múmkin

ORAL. KAZINFORM — Transshekaralyq Jaıyq ózenindegi sý deńgeıi sońǵy táýlikte barlyq gıdrobekette joǵary kóterildi. 

«Qazgıdromet» RMK BQO fılıalynyń dırektory Tilegen Shapanovtyń málim etkenindeı, Reseıdiń Orynbor qalasy tusynda 508 (+7, qaýipti shegi — 930 sm), Elek aýdanynda 453 (+34, 890 sm) santımetrdi kórsetti.

Sondaı-aq Batys Qazaqstan oblysy aýmaǵynda Bórli aýdany Jarsýat aýylynda 451 (+42, 1 myń sm), Báıterek aýdany ıAnvartsevte 362 (+19), Oral qalasynda 315 (+20, qaýipti shegi — 850 sm), Kóshimde 327 (+17), Aqjaıyq aýdany Mergen eldi mekeninde 474 (+19), Taıpaqta 206 (+19) santımetrge jetti.

Esesine Jaıyqtyń salasy Shaǵan ózenindegi aǵys báseńdep, Báıterek aýdany Chývashın aýyly tusynda 27 santımetrge (qazirgi kórsetkish — 901 sm) tómendedi.

Kaztalov aýdanynda Qaraózen kóterilip jatyr. Munda Qaıyńdyda 553 (+38, qaýiptisi — 1 700 sm), Jalpaqtalda 666 (+34, 860 sm) santımetr boldy. Reseılik «Gıdrometeorogııa jáne qorshaǵan ortany monıtorıngileý boıynsha Prıvoljsk basqarmasy» federaldyq memlekettik bıýdjettik mekemesiniń 1 sáýirdegi málimetine qaraǵanda, bıyl Jaıyqtaǵy sý deńgeıi Orynborda 500-600 (2025 jyly — 560 sm), Elekte 520-620 (654), Oralda 330-430 (474), Kóshimde 330-430 (468), Taıpaqta 250-350 (491), Atyraýda 240-300 (419) santımetr arasynda bolýy yqtımal.

2024 jyly Jaıyq Oral qalasy tusynda 865 santımetrge deıin jetip, qaýipti shekten asyp ketkendikten, saıajaı aýmaqtaryn sý basqan edi.

Eske sala keteıik, budan buryn Batys Qazaqstanda Qaraózendegi sý deńgeıi 630 santımetrden asqanyn jazǵan bolatynbyz.