Jaıyq ózenindegi sý deńgeıi qalaı kóterilip jatyr

ORAL. KAZINFORM — Batys Qazaqstan oblysynda Jaıyq ózenindegi sý deńgeıi kóterilgeni baıqalady.

Жайық өзені
Фото: Ғайсағали Сейтақ/Kazinform

«Qazgıdromet» RMK BQO fılıalynyń 31 naýryzdaǵy málimeti boıynsha bir táýlik ishinde oblystyń bas ózeni Bórli aýdany Jarsýat aýyly tusynda 9 sm joǵarylap, 629 santımetrge (qaýipti shegi — 1 myń sm) jetti.

Sondaı-aq Báıterek aýdany ıAnvartsev gıdrobeketinde 499 sm (+7 sm, qaýiptisi — 1 myń sm), Oral qalasynda 404 sm (+11 sm, 850 sm), Kóshimde 392 sm (+11 sm), Aqjaıyq aýdany Taıpaq aýylynda 328 santımetrdi (+5 sm, 1 myń sm) kórsetti.

Báıterek aýdanynda Rýbejka ózeni 475 santımetr (+7 sm, qaýipti shegi — 1 myń sm) boldy.
Oblystyń qalǵan ózenderinde sý deńgeıi túsip jatyr.

Mamandardyń boljaýynsha, Jaıyq ózenindegi sý deńgeıi ótken jyly Oral qalasy tusynda 864 santımetrge jetse, bıyl 550-650 sm tóńireginde bolmaq.

Orynbor oblysyndaǵy Irekli sý qoımasynan 21 naýryzǵa deıin Jaıyq ózenine sekýndyna 201 tekshe metr sý jiberilgen edi. Alaıda 21 naýryzdan bastap ol 30, qazir 15 tekshe metrge deıin tómendetildi. Bul — Jaıyq arnasymen keletin sý azaıady degen sóz.

Eske sala keteıik, budan buryn Batys Qazaqstanda Jaıyq ózenindegi sý deńgeıi qaıta kóterilgenin jazǵan edik.

Сейчас читают