Jaıyq ózenindegi sý deńgeıi Taıpaq aýyly tusynda 580 santımetrden asty

ORAL. KAZINFORM — Jaıyq ózenindegi sý deńgeıi Aqjaıyq aýdany Taıpaq aýylyndaǵy gıdrobekette bir táýlikte 19 santımetrge kóterildi.

«Qazgıdromet» RMK BQO fılıalynyń 27 sáýir kúngi saǵat 08.00-degi málimeti boıynsha Taıpaq tusynda sý deńgeıi 581 santımetrge (qaýipti shegi – 850 sm) jetti.

Esesine basqa gıdrobeketterde Jaıyqtaǵy sý deńgeıi tómendep keledi. Atap aıtqanda, Báıterek aýdany ıAnvartsev aýylynda 864 (-8, qaýipti shegi – 1 250 sm), Oral qalasynda 851 (-4, 850 sm), Kóshimde 852 (-3, 850 sm) santımetrdi kórsetti.

Oblystyń basqa da ózenderinde sý deńgeıiniń túskeni baıqalady. Aqjaıyq aýdanynyń ákimi Murat Serdalın Jaıyq sýy baqylaýda, aýdanda jaǵdaıdyń qalypty ekenin jetkizdi.

Eske sala keteıik, budan buryn Batys Qazaqstanda oblystyq jol qaq aıyrylyp, sý shaıyp ketkenin jazǵan bolatynbyz.