Jaıyq ózenindegi sý deńgeıi Orynbor tusynda 470 santımetrge jýyqtady
ORAL. KAZINFORM – Transshekaralyq Jaıyq ózenindegi sý deńgeıi keıingi táýlikte barlyq gıdrobekette kóterilgeni baıqalady.
«Qazgıdromet» RMK BQO fılıalynyń dırektory Tilegen Shapanovtyń málim etkenindeı, 1 sáýir kúngi tańdaǵy aqparatqa sáıkes Jaıyqtaǵy sý deńgeıi Reseıdiń Orynbor qalasy tusynda 469 santımetrge (+70, qaýipti shegi – 930 sm) jetti.
Sondaı-aq Elektegi gıdrobekette 397 santımetrdi (+45, 890 sm) kórsetti. Jaıyqtyń salasy Saqmar ózeni Orynbor oblysy Qarǵaly tusynda 406 sm (+12, 870 sm) boldy.
Qazirgi ýaqytta Orynbordaǵy Irekli qoımasynan Jaıyqqa sekýndyna 60 tekshe metr sý jiberilip jatyr.
Jaıyq ózeni Batys Qazaqstan oblysy aýmaǵynda da kóterilý ústinde. Atap aıtqanda, Bórli aýdany Jarsýattaǵy gıdrobekette 397 (+38, qaýipti shegi – 1 myń sm), Báıterek aýdany ıAnvartsevte 321 (+32, 1 myń sm), Oral qalasynda 273 (+19, 850 sm), Kóshimde 294 (+8) santımetr boldy. Oǵan qosa Aqjaıyq aýdany Mergen aýyly tusynda (430 sm, +37), Taıpaqta (145 sm, +28) sý aǵysy báseńdegen joq.
Jaıyqtyń taǵy bir salasy Shaǵan ózeniniń Báıterek aýdany Chývashın aýyly tusynda qarqyny joǵary (+41, 919 sm).
Eske sala keteıik, budan buryn Batys Qazaqstanda Shaǵan ózenindegi sý deńgeıi bir táýlikte 81 santımetrge kóterilgenin jazǵan edik.
