Jaıyq ózenindegi sý deńgeıi Oral qalasynyń tusynda 424 santımetrge jetti

ORAL. KAZINFORM – Jaıyq ózenindegi sý deńgeıi Batys Qazaqstan oblysyndaǵy barlyq gıdrobekette kóterilip jatyr. 

«Qazgıdromet» RMK BQO fılıalynyń 3 sáýir kúngi málimetine qaraǵanda, oblystyń bas ózeni Bórli aýdany Jarsýat aýyly tusynda bir táýlikte 5 sm joǵarylap, 648 santımetrge (qaýipti shegi – 1 myń sm) jetti. Sondaı-aq Báıterek aýdany ıAnvartsev gıdrobeketinde 519 sm (+8 sm, qaýiptisi — 1 myń sm), Oral qalasynda 424 sm (+6 sm, 850 sm), Kóshimde 411 sm (+8 sm, 850 sm), Aqjaıyq aýdany Taıpaq aýylynda 355 santımetrdi (+9 sm, 1 myń sm) kórsetti. 

Óńirdegi basqa ózenderdiń kópshiliginde sý deńgeıi túsken. Tek Qaratóbe aýdanynda Qaldyǵaıty, Shıeli, Báıterekte Rýbejka ózenderiniń keshegiden sál joǵarylaǵany baıqalady. 

Orynbor oblysyndaǵy Irekli qoımasynan Jaıyq ózenine burynǵysha sekýndyna 15 tekshe metr ǵana sý jiberilip jatyr. Bul ádette jazda bosatylatyn kólemmen birdeı. 

– Bıyl Jaıyq ózenindegi tasqynnyń sharyqtaý shegi 10-20 sáýir aralyǵynda bolady dep boljanyp otyr. Ózen deńgeıi 450-550 santımetr aralyǵynda bolmaq, - dedi Kazinform tilshisine «Qazgıdromet» RMK BQO fılıalynyń dırektory Tilegen Shapanov.

Eske sala keteıik, budan buryn Jaıyq ózenindegi sý deńgeıi qalaı kóterilip jatqanyn jazǵan bolatynbyz.