Jaıyq ózenindegi sý deńgeıi Oral qalasynda 780 sm-ge jýyqtady
ORAL. KAZINFORM — Jaıyq ózenindegi sý deńgeıi Oral qalasy gıdrobeketinde 776 santımetrge (qaýipti deńgeı – 850 sm) jetti.
«Qazgıdromet» RMK BQO fılıalynan málim etkendeı, sý deńgeıi bir táýlikte 8 santımetrge kóterildi.
Báıterek aýdany ıAnvartsev eldi mekeninde keshegi deńgeıde (802 sm) qalsa, Kóshimde 765 (+14), Taıpaq aýyly tusynda 471 (+12) santımetrge jetti.
Sonymen qatar Kóshim kanalynda sý deńgeıi 1 santımetrge joǵarylaǵan (821 sm, qaýipti shekten 21 santımetrge joǵary).
Kaztalov aýdany Jalpaqtal aýylynda Qaraózen deńgeıi 8 santımetrge kóterildi (627 sm, qaýipti shegi – 790-820 sm).
Oblystyń basqa ózenderinde sý deńgeıi tómendep keledi.
Sonyń ishinde Jaıyqqa quıatyn Shaǵan ózeni Chývashın aýyly tusynda 728 santımetrdi (-15, qaýipti shegi – 1300 sm) kórsetti.
Eske sala keteıik, budan buryn Oralda salqyn sýdyń bolmaıtyny týraly jalǵan aqparat taraǵanyn jazǵan edik.
