Jaıyq ózenindegi sý deńgeıi bir táýlikte Oralda 40 santımetrge kóterildi

ORAL. KAZINFORM – Batys Qazaqstan oblysynda gıdrologııalyq monıtorıng derekterine sáıkes ózenderdegi sý deńgeıi birkelki emestigi baıqalady. 

«Qazgıdromet» RMK BQO fılıalynyń málimetine qaraǵanda, Jaıyq ózeni Oral qalasyndaǵy gıdrobekette bir táýlikte 40 sm kóterilip, 255 sm (qaýipti shegi — 850 sm), Báıterek aýdany ıAnvartsev aýylynda 295 (+22 sm, 1 000 sm), Kóshimde 222 santımetrge (+ 23 sm, 850 sm) jetti.

Sondaı-aq Shaǵan ózeni Báıterek aýdany Chývashın aýyly tusynda 778 sm (+147 sm, 1 280-1 300 sm), Mıchýrınde 333 sm (+59 sm, 1 100 sm), Jaıyqtyń taǵy bir salasy Elek Shyńǵyrlaýda 220 santımetrdi (+71 sm, 750 sm) kórsetti. 

Jaıyqqa quıatyn Derkól ózeni Tasqala aýyly tusynda 39, Báıterek aýdany Zelenyı aýylynda 12 santımetrge tómendese, Beleste 53 sm ósti (qazirgisi — 552 sm, qaýiptisi — 600-650 sm). Al 1-Shejin birden 80, 2-Shejin ózeni 99 santımetrge túsip, qaýiptiń beti qaıtqan.

Esesine Syrym aýdanynda Shiderti ózeni Araltóbe aýylynda bir kúnde 232 sm kóterilip, 492 santımetrge (qaýipti shegi — 960 sm) bir-aq jetken. Sondaı-aq Óleńti aýdan ortalyǵy Jympıty aýyly tusynda 326 sm (+146 sm, 490-520 sm), Kópirańqaty Alǵabasta 565 santımetr (+181 sm, 945 sm) boldy.

Eske sala keteıik, budan buryn Batys Qazaqstanda Shaǵandaǵy sý deńgeıi bir táýlikte 88 santımetrge joǵarylaǵanyn jazǵan bolatynbyz.