Jaıyq ózenindegi ahýal qandaı

ASTANA. KAZINFORM – BQO-da sý tasqynynyń aldyn alý jáne avarııalyq- qutqarý jumystary áli de jalǵasyp jatyr. Sońǵy táýlikte 9 adam evakýatsııalanǵan.

Sý tasqyny kezeńinde jalpy oblys boıynsha 13 989 adam evakýatsııalandy. Onyń 5782-si – balalar. Sońǵy táýlikte Jaıyq ózenindegi sý deńgeıi 4 sm-ge tómendep, 8 m 55 sm-di bolyp otyr. Al qaýipti deńgeı 8 m 50 sm ekenin atap ótken jón.

«Oblysta jaǵdaı turaqty. Sý deńgeıiniń tómendeýi baıqalady. 27-28-sáýir kúnderi sý óziniń qaýipti deńgeıinen túsedi degen boljam bar. Oblysta halyqty evakýatsııalaý, qulaqtandyrý, bógetterdi nyǵaıtý jumystary jalǵasyp jatyr», - dedi BQO TJD resmı ókili Nurjan Tóleýish Ortalyq kommýnıkatsııalar qyzmetinde ótken brıfıngte.