Jaıyq ózeninde sý deńgeıi Inder aýdanynda da 8 metrden asty
ATYRAÝ. KAZINFORM — Atyraý oblysyndaǵy Inder aýdanynda da Jaıyq ózeniniń deńgeıi 8 metrden asyp ketti.
Atyraý oblystyq jedel shtabtyń málimetinshe, búgin, 3 mamyrda keshki saǵat 20:00–de Jaıyq ózenindegi sý deńgeıi taǵy da kóterildi.
«Búgin keshki saǵat 20:00–de Inder aýdanynyń ortalyǵy — Inderbor kentiniń tusynda Jaıyq ózeniniń deńgeıi 8 metr 8 santımetrge jetti. Tańerteńgi saǵat 08:00–den beri sý deńgeıi +20 santımetrge ulǵaıdy. Bul aýdanda qaýipti deńgeı — 8 metr 45 santımetr», -dep habarlady oblystyq jedel shtabtan.
Al, Mahambet aýdanynda ózen arnasynyń sýy saǵat 20:00–de 8 metr 20 santımetrdi kórsetip tur.
Tańerteńnen beri sý deńgeıine +8 santımetr qosylǵan.
Batyr atyndaǵy aýdanda 8 metr 50 santımetr qaýipti shek sanalyp otyr.
Qazir qaýipti deńgeıge deıin 30 santımetr qalyp tur.
Munaıly óńir ortalyǵy — Atyraý qalasynda Jaıyqtyń sýy +5 santımetrge kóbeıip, saǵat 20:00–de 4 metr 76 santımetrdi qurady.
Shahar aýmaǵyndaǵy qaýipti shek 5 metr 50 santımetr deńgeıinde belgilengen.
Eske sala ketelik, búgin Inder aýdanynda Jaıyq bir táýlikte 38 santımetrge kóterilgenin jazǵan edik.
Keıin Atyraýdaǵy Mahambet aýdanynyń jedel shtaby kúsheıtilgen jumys rejımine kóshti.
