Jaıyq ózeni qatyp, Atyraý sýsyz otyr: Ákimdikte komıssııa quryldy
Atyraý qalasynyń keıbir bóligi kesheden beri sýsyz otyr. Buǵan Jaıyq ózeninde muz qatyp, sý sorý qondyrǵylarynyń jumysy toqtaǵany sebep boldy, dep habarlaıdy Kazinform.
Atyraý oblysy ákiminiń baspasóz qyzmeti qalyptasqan jaǵdaıǵa baılanysty arnaıy komıssııa qurylǵanyn málim etti. Komıssııaǵa oblys ákiminiń orynbasary Qaırat Nurtaev jetekshilik etedi.
Al «Atyraý oblysy Sý Arnasy» KMK-nyń baspasóz qyzmetinen málim etkendeı, keshe, 9 jeltoqsanynda jergilikti ýaqytpen saǵat 23:30 shamasynda sý berý toqtatylǵan.
«Aýa raıynyń kúrt salqyndaýynan Jaıyq ózeninde muz qatyp, aǵys jyldamdyǵy tómendedi. Osyǵan baılanysty Atyraý qalasynyń sý tazartý keshenine sý berý toqtatyldy. Búgin, 10 jeltoqsan, tańǵy saǵat 4:30-da qaladaǵy jelilerge tótenshe jaǵdaılardy boldyrmaý úshin tómen qysymmen sý berildi. Al «Atyraý-Maqat» magıstraldyq qubyry baǵytyna, onyń ishinde «Bereke» shaǵyn aýdanyndaǵy toǵyz qabatty úılerge, Kóktem, Juldyz-3, Teńdik, Aqsaı-1, Aqsaı-2 shaǵynaýdandaryna tehnıkalyq sebepterge baılanysty sý jiberilmedi», - dedi kásiporynnyń baspasóz qyzmetinen.
Qazir «Atyraý oblysy Sý Arnasy» mekemesine qarasty «Shaýsh» sý tazartý qondyrǵysynyń sorǵy stansalaryndaǵy muzdy joıý, qubyrlardy tazalaý maqsatynda oblystyq tótenshe jaǵdaılar qyzmetiniń kúshteri jumyldyryldy. Alaıda, tótenshe jaǵdaı erejesine sáıkes, túngi ýaqytta tazalaý, basqa da sý tıeý jumystary júrgizilmeıdi. Osyǵan baılanysty barlyq jumystar tańǵy saǵat 8:00-de bastaldy.
Jaıyq ózeninde muz qatyp, Atyraýdaǵy sý sorý qondyrǵylary toqtap qalǵanyn buǵan deıin jazǵan bolatynbyz.
