«Jaıyq» klýby Ortalyq Azııa chempıonatyn jeńispen bastady

ASTANA. KAZINFORM — Voleıboldan Qazaqstan chempıony «Jaıyq» klýby Maldıv araldarynyń astanasy Male qalasynda ótip jatqan Ortalyq Azııa chempıondar lıgasynda alǵashqy jeńisine qol jetkizdi.

Qazaqstandyq maman Vıktor Kozıktiń shákirtteri bastapqy kezdesýin «Ports Authority» (Shrı-Lanka) komandasymen ótkizdi.

Tartysty ótken birinshi partııada Shrı-Lanka voleıbolshylary 25:22 esebimen basym tústi. Degenmen budan keıin «Jaıyq» jigitteri jınaqtala bildi – 25:14, 25:16, 25:15. Qorytyndy esep – 3:1, «Jaıyqtyń» paıdasynda.

Oraldyq komanda erteń «HDC» (Maldıv) klýbymen sheberlik baıqasady.

Eske sala keteıik, budan buryn «Jaıyq» voleıbol klýbynyń Ortalyq Azııa chempıonatynda baq synaıtynyn jazǵan edik.