Jaıyq-Kaspıı basseıninde 34,5 mln-nan astam shabaq qutqarylyp, tabıǵı ortaǵa jiberildi
ASTANA. KAZINFORM — QR AShM Balyq sharýashylyǵy komıtetiniń basseındik ınspektsııalary turaqty túrde balyqtar men olardyń shabaqtaryn qutqarý is-sharalary júzege asyrylyp jatyr. Bul týraly AShM málim etti.
— Aǵymdaǵy jyldyń basynan beri Atyraý jáne Batys Qazaqstan oblystaryndaǵy sý aıdyndarynda kókserke, móńke, tuqy, shortan, taban, laqa, som sekildi túrli balyq túrleriniń 34,5 mln-nan astam shabaǵy qutqarylyp, tabıǵı mekenine jiberildi, — delingen habarlamada.
Іs-sharalarǵa balyq ınspektsııasy qyzmetkerleri, jergilikti atqarýshy organdar, balyq sharýashylyǵy sýbektileri, áskerı qyzmetshiler, «Qazvodhoz» RMK ókilderi, sondaı-aq eriktilerdi qosa alǵanda 650-den astam adam qatysty. Barlyǵy 136 birlik arnaıy tehnıka jumyldyryldy.
Budan bólek, Atyraý–Dossor jáne Atyraý–Astrahan baǵytyndaǵy joldar boıyndaǵy sý aıdyndarynyń balyq qyrylý qaýpi joǵary ýchaskelerinde «Tilekshi» JShS qyzmetkerleri ınspektsııanyń baqylaýymen shabaqty qutqarý jumystaryn júrgizip jatyr.
Óńirde áli de balyq qyrylýy men sý taıyzdaný qaýpi bar sý aıdyndary bar, onda sý bıoresýrstaryn saqtaý jumystary jalǵasyp jatyr. Bul másele Komıtet pen onyń basseındik ınspektsııalarynyń turaqty baqylaýynda.
Eske sala keteıik, buǵan deıin ıhtıolog maman balyq qoryn shyǵynǵa ushyratatyn sebep kóp ekenin aıtqan bolatyn.