«Jaıyq» fýtbol klýby jańa maýsymdaǵy ekinshi jeńisine qol jetkizdi
ORAL. KAZINFORM — Birinshi lıga komandalary arasynda Qazaqstan chempıonatynyń ekinshi týrynda Oraldyń «Jaıyǵy» P.Atoıan atyndaǵy stadıonda «Astana jastaryn» qabyldady.Bastapqy týrda syrt alańda «Arysty» 1:0 esebimen utqan oraldyqtar bul joly da bilgeninen jańylǵan joq.
Birinshi taımda komanda kapıtany Baýyrjan Omarov buryshtamadan bergen dopty «Jaıyqtyń» jas oıynshysy Aıbar Ahmet qaqpada týlata bildi.
Osy esep match sońyna deıin ózgergen joq — 1:0.
Sóıtip eki oıynnan keıin 6 upaı jınaǵan Vıacheslav Nevolnıkovtiń shákirtteri birinshi lıgada kósh bastady.
«Jaıyq» úshinshi týrda Almatyda 24 sáýirde «Han-Táńiri» komandasymen kezdesedi.
Eske sala keteıik, budan buryn Oraldyń «Jaıyǵy» birinshi lıganyń betashar oıynyn jeńispen bastaǵanyn jazǵan bolatynbyz.
Qazaqstan kýbogynda «Qaırat» Oralda «Jaıyqtan» basym tústi.
