«Jaıyq» fýtbol klýby Qazaqstannyń ekinshi lıgasynda oınaıtyn boldy

ORAL. KAZINFORM – «Jaıyq» fýtbol klýby Qazaqstannyń ekinshi lıgasynda kásibı deńgeıde oınaýǵa múmkindik beretin resmı lıtsenzııaǵa ıe boldy.

Klýb dırektory Damır Qalaqovtyń óńirlik kommýnıkatsııalar qyzmeti alańynda ótken brıfıngide málim etkenindeı, qazirgi kezde komanda aldaǵy maýsymǵa daıyndalý ústinde.

Onyń sózine qaraǵanda, lıtsenzııa alý – klýb úshin úlken jetistik. 

- Biz barlyq talaptarǵa saı bolý jáne komandany kásibı deńgeıde oınaýǵa daıyndaý úshin aýqymdy jumys atqardyq. Endi aldymyzda jańa mindetter tur jáne biz olardy oryndaýǵa daıynbyz, - dedi D.Qalaqov.

Bas bapker Vıacheslav Nevolnıkovtiń aıtýynsha, jaqyn arada komanda Túrkistan qalasyna 20 kúndik oqý-jattyǵý jıynyna attanady. Onda birneshe baqylaý matchtary ótkizilip, negizgi quram jasaqtalyp, oıyndyq taktıka tolyq pysyqtalatyn bolady.

- Lıtsenzııa – kásibı fýtbolǵa qadam basýymyzdyń aıǵaǵy jáne biz senimdi aqtaýǵa daıynbyz. Komanda joǵary maqsat qoıyp otyr, árbir oıynshy óz rólin túsinedi jáne biz ár upaı úshin kúresýge daıynbyz. Jankúıerler qyzyqty ári tartysty oıyn tamashalaı alady, - dedi komanda kapıtany Baýyrjan Omarov.

Klýb sonymen qatar resmı logotıpti tańdaý boıynsha jankúıerler arasynda halyqtyq daýys berýdi ótkizýdi qolǵa aldy.

Eske sala keteıik, budan buryn Batys Qazaqstanda jańa fýtbol klýby qurylǵanyn jazǵan bolatynbyz.