Jaıyq deńgeıi Inderde 5 santımetrge tómendep, Mahambet aýdanynda 10 metrge jetti

ATYRAÝ. KAZINFORM – Jaıyq ózeniniń deńgeıi Inder aýdanynda 5 santımetrge tómendedi. Alaıda Mahambet aýdanynda 10 metrge jetti.

Atyraý oblysynyń jedel shtabynan málim etkendeı, 17 mamyrda saǵat 08:00-de Inderbor kentiniń tusynda ózen arnasy 10 metr 30 santımer bolǵan. Bul qaýipti shekten +185 santımetrge kóp. Biraq ótken táýliktegi deńgeıden 5 santımetrge tómendegen.

Al Mahambet aýdanynda Jaıyq ózeniniń deńgeıine +5 santımetr qosylǵan. Qazir munda ózen sýy 10 metrge jetti. Dál qazir qaýipti shekten 1,5 metrge asyp ketti.

Jaıyq ózeniniń deńgeıi Atyraý qalasynda da qaýipti shekten asyp, 10 santımetrge asyp tur. Shahar mańynda qaýipti shek – 550 santımetr. Búgin, 17 mamyrda saǵat 08:00-de ózen deńgeıi +3 santımetrge ulǵaıyp, 560 sm boldy.

Sondaı-aq, Atyraý qalasynyń mańyndaǵy Jańatalap aýylynda sý arnasynyń deńgeıi – 407, Erkinqala eldi mekeninde 365 sm kórsetip tur. Ekeýinde de qaýipti shekke jete qoıǵan joq.

Eske sala ketelik, budan buryn Atyraý-Oral trassasynan Inderbor kentine baratyn jol ashylǵanyn habarlaǵan edik.