Jaıaýdyń ólimine sebepker atbasarlyq júrgizýshi qolǵa tústi
KÓKShETAÝ. QazAqparat - Aqmola oblysynda eki jaıaýdy qaǵyp ketip, oqıǵa ornynan izin sýytqan atbasarlyq kólik júrgizýshi ustaldy, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Aıta keteıik, áleýmettik jelide taraǵan vıdeo jazbada kórsetilgendeı jol-kólik oqıǵasy Atbasar qalasynda bolǵan. Onda Toyota Land Cruiser kóliginiń júrgizýshisi jaıaý júrginshilerdi qaǵyp ketip, oqıǵa ornynan taıyp turǵan.
Aqmola oblystyq ІІD baspasóz qyzmetindegiler jol-kólik oqıǵasy sáýirdiń 8-de bolǵanyn rastap otyr.
«Jedel-izdestirý sharasy barysynda anyqtalǵandaı Toyota Land Cruiser kóliginiń 31 jastaǵy júrgizýshisi joldyń shetinde kele jatqan eki jaıaýdy qaǵyp ketken. Saldarynan 47 jastaǵy áıel oqıǵa ornynda kóz jumsa, ekinshi zardap shegýshi túrli dene jaraqatymen ortalyq aýdandyq aýrýhanaǵa jetkizildi. Al kólik júrgizýshisi izin sýytqanymen bir táýliktiń ishinde qolǵa tústi», dep málim etti ІІD baspasóz qyzmeti.
Qazirgi kezde, osy oqıǵaǵa baılanysty QR QK-niń 34-baby 3-bólimi boıynsha sotaldy óndiristik is qozǵalyp, birqatar saraptama taǵaıyndaldy.
