Jaıaýdy qaǵyp óltirgen atbasarlyq júrgizýshi qamaýǵa alyndy - prokýratýra

KÓKShETAÝ. QazAqparat - Atbasarda jaıaý júrginshilerdi kóligimen qaǵyp, oqıǵa ornynan qashyp ketken júrgizýshiniń buǵan deıin de dál osyndaı qylmysy úshin isti bolǵany anyqtaldy. Sol sebepti qolhatpen eshqaıda ketpeý bultartpaý sharasyna aýystyryldy, dep habarlaıdy QazAqparat tilshisi

Aqmola oblysynyń prokýratýrasy Atbasar qalasynda V.Mıtrofanovanyń ólimine ákelip soqtyrǵan jol-kólik oqıǵasyna baılanysty qozǵalǵan isti zerttedi. Onda anyqtalǵandaı, kúdiktiniń qylmysy kishigirim aýyr qylmystyń qataryna jatatyndyqtan ári kámelettik jasqa tolmaǵan 5 balany asyrap otyrǵandyǵy eskerilip bosatylǵan.

«Tergeý amaldary barysynda kúdiktiniń zardap shekkenderge alǵashqy medıtsınalyq kómek kórsetýdiń ornyna oqıǵa bolǵan jerden qashyp ketkeni anyqtaldy. Kúdiktiniń ústinen QR QK-niń 347-baby boıynsha qosymsha sotaldy is qozǵaldy. Sonymen qatar kúdiktiniń osyǵan deıin adamnyń densaýlyǵyna aýyr zalal keltirgeni jáne jol júrý erejesin birneshe ret buzǵany belgili boldy», - dep túsindirdi prokýratýranyń baspasóz qyzmetindegiler.

Іs materıalynda kórsetilgen osynyń barlyǵyn eskere kele, kúdiktige 12 sáýirde bultarpaý sharasy qoldanyldy. Qylmystyq is prokýratýranyń baqylaýyna alyndy.