Jaıaý júrginshini mert qylyp, qashyp ketken kólik júrgizýshisi ustaldy
ALMATY. Tamyzdyń 12-si. QazAqparat /Ádilet Musahaev/ - Bul kólik apaty tamyzdyń 9-da túngi 12-ler shamasynda Almaty qalasynyń soltústik aınalma jolynda oryn alǵan edi.
«Qaıǵyly oqıǵa bolǵan jerden avtokóliktiń synǵan bólshekterin tabý arqyly onyń túsi men markasyn aıqyndaǵan edik. Kelesi kúni izdeýdegi kólik Almaty oblysy, Іle aýdany Pervomaıka aýylynyń Jambyl kóshesindegi jeke úıdiń kólik turaǵynda jasyrýly turǵan jerinen tabyldy. Qylmys izin jasyrý úshin dosynyń kólik qoıý turaǵyn paıdalanǵan qylmysker birden ustaldy», deıdi Almaty qalasy ІІB, Jol polıtsııasy basqarmasynyń bastyǵy, polıtsııa polkovnıgi Arman Sarbasov.
«Nıssan» avtokóliginiń aldyńǵy bóligi bolǵan jol aptynan qıraǵan. Belgili bolǵandaı, kólikti 21 jasar Alekseı esimdi jigit basqarǵan. Ol tergeý barysynda óz kinásin birden moıyndap, jaýapkershilikten qorqyp jaraqat alǵan jaıaý júrginshini jolda qaldyryp ketkenin aıtady.
«Bizdiń paıymdaǵanymyzdaı, bul apatty tájirıbesi az jas júrgizýshi jasaǵany belgili boldy. Qazirgi ýaqytta ol azamat qamaýǵa alyndy. Oǵan Qylmystyq kodekstiń 296 b. jáne 297 babynda belgilengen qylmystyq aıyp taǵylady», dep atap ótti A.Sarbasov.
