Jaıaý júrginshini mert qylǵan Pavlodar qalasy ákiminiń júrgizýshisi ákimshilik jaýapkershilikke tartylady - on-laın konferentsııa
nbsp;ASTANA. Qyrkúıektiń 20-sy. QazAqparat /Gúlmıra Álıakparova/ - Jaıaý júrginshini mert qylǵan Pavlodar qalasy ákiminiń júrgizýshisi Ivan Garderdi ákimshilik jaýapkershilikke tartý máselesi qarastyrylýda. Bul týraly búgin QR Іshki ister mınıstrliginiń resmı saıtynda ótken on-laın konferentsııa barysynda azamattardyń saýalyna jaýap bergen ІІM Jol polıtsııasy komıtetiniń tóraǵasy Qaırat Tynybekov aıtty.
«Nelikten bizde esh kinásiz adamdardyń ómirin qıyp ketken (Qaıymsultanov, Pavlodar ákiminiń júrgizýshisi I.Garder) qylmyskerler esh jazaǵa tartylmaýy múmkin bolyp ketti? Mysalǵa, Garder jábirlenýshi qaıtys bola tura, tipti júrgizýshi kýáliginen de aıyrylmady. Shyntýaıtynda ol bul qylmysty mas kúıinde jasady. Basqa jaǵdaılarda kináliler jazaǵa tolyq kúıinde tartylady, sot bas bostandyqtarynan aıyryp jatady jáne taǵy basqasy. Álde bizde quqyqqoldaný praktıkasy qarjylyq jaǵdaıy men alyp otyrǵan laýazymyna baılanysty erekshelenedi me jáne sot aldynda barlyǵy teń emes pe?» degen saýal joldaǵan Shaımıev myrzanyń suraǵyna Q.Tynybekov: «Atalmysh qylmystyq is boıynsha protsessýaldyq sheshim qabyldandy. Qazirgi ýaqytta I.Garderdi ákimshilik jaýapkershilikke tartý máselesi sheshilip jatyr», - dep jaýap qaıyrdy.
Eske sala keteıik, Pavlodar qalasy ákiminiń júrgizýshisiniń qatysýymen bolǵan jol-kólik oqıǵasy, ústimizdegi jylǵy shilde aıynyń 25-i kúni Shokın men Kýtýzov kósheleriniń qıylysynda oryn aldy. Ákimniń 30 jastaǵy júrgizýshisi «Toıota Kamrı» avtokóligimen 27 jastaǵy júrginshini qaǵyp ketip, ol alǵan jaraqattardan sol orynda kóz jumdy. Atalmysh fakti boıynsha QR Qylmystyq kodeksiniń 296 baby 2-shi tarmaqshasy boıynsha qylmystyq is qozǵalǵan bolatyn.
Biraq eki jaqtyń ózara bátýalasýy nátıjesinde qylmystyq is tamyzdyń 18-i kúni toqtatyldy.
