Jaıaý júrginshini qaǵyp ketken qostanaılyq polıtseı sotta jaýap beredi
QOSTANAI. QazAqparat - Jaıaý júrginshini qaǵyp, mert qylǵan tártip saqshysyna qatysty qylmystyq is Qostanaı qalalyq sotynda qaralady, dep habarlaıdy «Qazaqparat» HAA tilshisi.
Qaıǵyly oqıǵa 2017 jylǵy 1 qazanda saǵat 06.35 shamasynda, Kýrganskaıa kóshesinde bolǵan. 32 jastaǵy «Kıa Rıo» markaly avtokóliginiń júrgizýshisi 23 jastaǵy Qostanaı qalasynyń turǵynyn qaǵyp ketken. Jábirlenýshi alǵan jaraqaty saldarynan oqıǵa ornynda kóz jumdy. Kólik rólinde qalalyq ІІB qyzmetkeri otyrǵan.
Oblystyq ІІD baspasóz qyzmetiniń málimetinshe, oqıǵa kezinde polıtseı jumystan tys ýaqytta bolǵan jáne kólik ishki ister basqarmasyna tıesili emes. Polıtseıge qatysty qyzmettik tergeý aıaqtaldy.
Ol QR QK 345 («Adam ólimine ákep soqqan jol-kólik oqıǵasy») jáne 347-baby («Jol-kólik oqıǵasy ornyn tastap ketý») boıynsha aıyptalýda. Osy iske qatysty sot otyrysy 4 sáýirde ótedi.
