Jaıaý júrginshiler ótkelinde bolatyn apatty azaıtýymyz kerek - Atyraý ákimi
ATYRAÝ. QazAqparat - Atyraý qalasynyń ákimi Alımuhammed Quttumuratuly qaladaǵy árbir jaıaý júrginshiler ótkeli janyna kóshe jaryqtary men jáne jarqyraıtyn belgiler ornatýdy tapsyrdy, dep habarlaıdy QazAqparat tilshisi.
Atyraý qalasy ákiminiń baspasóz qyzmetiniń habarlaýynsha, 2018 jyldan bastap qalada jaıaý júrginshiler ótkeline 250-ge jýyq jol belgileri ornatylǵan.Al keler jyldan bastap jaıaý júrginshiler ótkeli janyna jarqyrap turatyn jol belgileri jáne kóshe jaryqtary ornatylady.
«Biz jaıaý júrginshiler ótkelinen bolatyn jol-kólik oqıǵalaryn tezirek azaıtýymyz kerek. Búgingi tańda qaladaǵy jaıaý júrginshiler ótkeli nashar jaryqtandyrylǵan, keıbirinde tipti jaryq joq. Kóshe jaryǵymen qatar, júrgizýshi jaıaý júrginshiler ótkelin alystan kórý úshin jarqyrap turatyn jol belgilerin ornatý qajet», - dep tapsyrdy apparat jıynynda qala basshysy qalalyq turǵyn-úı kommýnaldyq sharýashylyq, jolaýshylar tasymaly jáne avtokólik joldary bólimine.
Qala ákiminiń aıtýynsha, joǵaryda kórsetilgen jumystar aldymen mektep oqýshylaryna kedergisiz jol qıylysynan ótýdi qamtamasyz etý úshin jalpy bilim berý mekemelerinde jasalýy kerek.
Aıta keteıik, oblystyq Іshki ister departamentiniń málimetinshe, jyl basynan beri Atyraýda jaıaý júrginshiler ótkelinde 25 jol-kólik oqıǵasy bolǵan.
