Jaıaý burqasyn, tuman, kóktaıǵaq: Juma kúngi aýa raıy boljamy
NUR-SULTAN. QazAqparat – 12 qarasha kúni elimizdiń shyǵys, ońtústik jáne batys aımaqtarynda aýa raıy jaýyn-shashynsyz bolady. Respýblıkanyń qalǵan bóliginde jaýyn-shashyn kútiledi, soltústik óńirlerde jańbyrdyń sońy qarǵa ulasady. Elimizdiń basym bóliginde jel kúsheıedi, ońtústikte shańdy daýyl turady, soltústikte jaıaý burqasyn júrip, kóktaıǵaq bolady. Sondaı-aq batys, soltústik jáne ońtústik-shyǵystaǵy taýly aýdandarda tuman boljanady. QazAqparat bul týraly «Qazgıdrometke» silteme jasap habarlaıdy.
Atap aıtqanda, Aqmola oblysynyń soltústiginde, batysynda, shyǵysynda, Qostanaı oblysynyń soltústik-shyǵysynda, shyǵysynda kóktaıǵaq, jaıaý burqasyn, tuman kútiledi, jel 15-20 m/s deıin kúsheıedi.
Shyǵys Qazaqstan oblysynyń batysynda, Jambyl oblysynyń soltústik-batysynda, shyǵysynda, Alakól kólderiniń aýdanynda, tańerteń jáne kúndiz Túrkistan oblysynyń soltústiginde jáne taýly aýdandarynda, kúndiz Qaraǵandy oblysynyń soltústiginde jel 15-22 m/s kúsheıedi. Túrkistan oblysynyń soltústiginde jáne taýly aýdandarynda shańdy daýyl turady. Jambyl oblysynyń shyǵysynda, taýly aýdandarynda tuman kútiledi.
Batys Qazaqstan oblysynyń ońtústiginde, Atyraý oblysynyń soltústiginde, túnde jáne tańerteń Mańǵystaý oblysynyń soltústik-shyǵysynda tuman boljanady. Batys Qazaqstan oblysynyń soltústiginde, soltústik-batysynda jel 15-20 m/s jel artady. Atyraý oblysynyń soltústiginde kóktaıǵaq bolady.
Kúndiz Aqtóbe oblysynyń soltústiginde kóktaıǵaq kútiledi.
Soltústik Qazaqstan oblysynyń ońtústik-batysynda túnde jáne tańerteń tuman kútiledi, kúndiz jel 15-20 m/s deıin kúsheıedi.
Pavlodar oblysynyń soltústiginde tuman, kóktaıǵaq, kúndiz oblystyń ońtústiginde 15-20 m/s kúsheıedi.
