Jaıaý burqasyn, tuman: 12 jeltoqsanǵa arnalǵan aýa raıy boljamy

ASTANA. KAZINFORM - «Qazgıdromet» RMK búgin, 12 jeltoqsanda aýa raıyna baılanysty Qazaqstannyń 13 oblysynda daýyldy eskertý jarııalady.

Sınoptıkterdiń boljamy boıynsha, Mańǵystaý oblysynyń batysynda, ońtústiginde ońtústik-shyǵystan soqqan jeldiń ekpini 15-20 m/s deıin jetedi.

Túnde jáne tańerteń Túrkistan oblysynyń batysynda, ońtústiginde, taýly aýdandarynda, sondaı-aq ortalyǵynda da tuman túsetini boljanady.

Abaı oblysynyń batysynda, soltústiginde, ortalyǵynda jaıaý burqasyn júredi. Oblystyń batysynda, soltústiginde, ortalyǵynda ońtústik-shyǵystan, ońtústikten soqqan jeldiń ekpini 15-20 m/s, keı tusta 23 m/s deıin jetedi.

Túnde Aqtóbe oblysynyń batysynda, kúndiz soltústiginde, batysynda kóktaıǵaq, túnde oblystyń soltústiginde, batysynda, ońtústiginde, kúndiz oblystyń basym bóliginde jaıaý burqasyn júredi, kóktaıǵaq bolady.

Shyǵys Qazaqstan oblysynyń soltústiginde, shyǵysynda jaıaý burqasyn júredi. Oblystyń soltústiginde, shyǵysynda ońtústik-shyǵystan soqqan jeldiń ekpini 15-20 m/s bolady.

Qaraǵandy oblysynyń batysynda, soltústiginde jaıaý burqasyn júredi. Oblystyń shyǵysynda, ońtústiginde tuman bolady. Ońtústik-batystan, ońtústikten jel soǵady, oblystyń batysynda, soltústiginde soqqan jeldiń ekpini 15-20 m/s bolady. Qaraǵandyda da ońtústik-batystan, ońtústikten jel soǵady, túndegi ekpini - 15-20 m/s.

Soltústik Qazaqstan oblysynyń soltústiginde, shyǵysynda jaıaý burqasyn júredi. Ońtústik-batystan soqqan jeldiń ekpini 15-20 m/s, keı tusta 23-28 m/s deıin jetedi. Petropavlda jaıaý burqasyn júredi. Ońtústik-batystan jel soǵady, soqqan jeldiń ekpini 15-20 m/s, keı tusta 25 m/s deıin jetedi.

Túnde Batys Qazaqstan oblysynyń batysynda, soltústiginde, kúndiz oblystyń basym bóliginde tuman, kóktaıǵaq bolady. Kúndiz oblystyń batysynda, soltústiginde ońtústik-batystan, ońtústikten soqqan jeldiń ekpini 15-20 m/s jetedi. Oralda tuman, kóktaıǵaq bolady. Ońtústik-batystan, ońtústikten jel soǵady, kúndizgi ekpini - 18 m/s.

Atyraý oblysynyń batysynda, soltústiginde, ońtústiginde kóktaıǵaq, tuman bolady. Atyraý qalasynda da túnde jáne tańerteń tuman, kóktaıǵaq bolady dep boljanady.

Qostanaı oblysynyń soltústik jartysynda jaıaý burqasyn júredi. Ońtústik-batystan jel soǵady, ekpini - 15-20 m/s. Qostanaı qalasynda da ońtústik-batystan jel soǵady, ekpini – 15-20 m/s.

Jetisý oblysynda ońtústik-shyǵystan jel soǵady, Alakól kólderi aýdanyndaǵy ekpini – 17-22 m/s.

Aqmola oblysynyń batysynda, soltústiginde, shyǵysynda jaıaý burqasyn júredi. Ońtústik-batystan jel soǵady, kúshi - 15-20 m/s, oblystyń soltústiginde, shyǵysynda keı ýaqyttarda soqqan jeldiń ekpini 23-28 m/s deıin jetedi. Kókshetaýda da jaıaý burqasyn júredi. Ońtústik-batystan jel soǵady, kúshi - 15-20 m/s, keı ýaqyttarda ekpini 25 m/s deıin jetedi. Astanada da ońtústik-batystan jel soǵady, kúshi - 15-20 m/s, túnde jáne tańerteń ekpini 23 m/s deıin jetedi.

Pavlodar oblysynyń batysynda, ońtústiginde ońtústik-batystan soqqan jeldiń ekpini 15-20 m/s bolady.

TJD astanalyqtarǵa aýa raıyna baılanysty úndeý jasaǵanyn jazǵan bolatynbyz.