Jaıaý burqasyn, kóktaıǵaq, tuman: birqatar óńirde eskertý jarııalandy

ASTANA. KAZINFORM – «Qazgıdromet» RMK-sy elimizdiń birqatar óńirinde aýa raıyna baılanysty eskertý jarııalady.

Astanada 17 qańtar kúni keı ýaqytta jaıaý burqasyn soǵady. Ońtústik-batystan jel soǵady, tańerteń jáne kúndiz ekpini 15-18 m/s.

17 qańtarda kúndiz Batys Qazaqstan oblysynyń batysynda, soltústiginde, ońtústiginde jaıaý burqasyn, kóktaıǵaq bolady. Túnde jáne tańerteń oblystyń batysynda, soltústiginde, ońtústiginde tuman túsedi.

17 qańtarda túnde Aqtóbe oblysynyń ońtústiginde, shyǵysynda jaıaý burqasyn soǵady. Túnde jáne tańerteń oblystyń soltústiginde, batysynda, ońtústiginde tuman túsedi.

17 qańtarda túnde Atyraý oblysynyń ońtústiginde, shyǵysynda, kúndiz batysynda, soltústiginde, ońtústiginde jaıaý burqasyn soǵady. Oblystyń batysynda, soltústiginde, ońtústiginde tuman túsip, kóktaıǵaq bolady.

17 qańtarda túnde Qostanaı oblysynda burqasyn, kúndiz oblystyń shyǵysynda, ońtústiginde burqasyn soǵady. Oblystyń batysynda, soltústiginde tuman túsedi. Ońtústik-batystan soǵatyn jel soltústik-batysqa aýysady, oblystyń batysynda, shyǵysynda, ońtústiginde ekpini 15-20 m/s-ke jetedi.

17 qańtarda tańerteń jáne kúndiz Pavlodar oblysynda jaıaý burqasyn soǵady.

17 qańtarda Mańǵystaý oblysynyń batysynda, soltústiginde, ortalyǵynda tuman túsip, kóktaıǵaq bolady. Soltústik-batystan jel soǵady, kúndiz oblystyń batysynda, soltústiginde jyldamdyǵy 15-20 m/s.

17 qańtarda Aqmola oblysynda burqasyn bolady. Ońtústik-batystan jel soǵady, oblystyń batysynda, soltústiginde, shyǵysynda ekpini 15-20 m/s.

17 qańtarda kúndiz Jambyl oblysynyń taýly aýdandarynda qatty jaýyn-shashyn (jańbyr, qar) bolady. Oblystyń soltústiginde, ońtústiginde, taýly aýdandarynda tuman túsip, kóktaıǵaq boldy. Ońtústik-batystan jel soǵady, oblystyń ońtústik-batysynda, taýly aýdandarynda jyldamdyǵy 15-20 m/s.

17 qańtarda túnde Abaı oblysynyń soltústiginde, ońtústiginde, shyǵysynda, kúndiz oblystyń soltústiginde, shyǵysynda, ortalyǵynda jaıaý burqasyn soǵady. Kúndiz oblystyń soltústiginde, shyǵysynda, ortalyǵynda kóktaıǵaq bolady. Jel ońtústikten, ońtústik-batystan soǵady, oblystyń batysynda, ońtústiginde, ortalyǵynda 15-20, ekpini 23 m/s.

17 qańtarda Shyǵys Qazaqstan oblysynyń batysynda, soltústiginde, shyǵysynda jaıaý burqasyn soǵyp, kúndiz kóktaıǵaq bolady. Jel shyǵystan, ońtústik-shyǵystan soǵady, oblystyń soltústiginde, shyǵysynda, ońtústiginde 15-20 m/s.

17 qańtarda Qyzylorda oblysynyń soltústiginde, shyǵysynda, ortalyǵynda tuman túsip, kóktaıǵaq bolady.

17 qańtarda túnde Ulytaý oblysynyń batysynda, soltústiginde, ortalyǵynda jaıaý burqasyn soǵady. Kúndiz burqasyn. Oblystyń shyǵysynda, ońtústiginde keı ýaqytta tuman. Ońtústik-batystan jel soǵady, oblystyń soltústiginde, shyǵysynda ekpini 15-20 m/s.

17 qańtarda kúndiz Qaraǵandy oblysynyń ońtústiginde jaýyn-shashyn (jańbyr, qar) bolady. Túnde oblystyń batysynda, soltústiginde, ońtústiginde jaıaý burqasyn, kúndiz burqasyn soǵady. Oblystyń ońtústiginde keı ýaqyttarda tuman túsip, kóktaıǵaq bolady. Ońtústik-batystan jel soǵady, oblystyń batysynda, soltústiginde, shyǵysynda ekpini 15-20 m/s.

17 qańtarda Soltústik Qazaqstan oblysynda qar jaýyp, burqasyn bolady. Túnde jáne tańerteń oblystyń batysynda tuman túsedi. Ońtústik-batystan jel soǵady, oblystyń batysynda, ońtústiginde, shyǵysynda ekpini 15-20 m/s.

Osyǵan deıin aýa raıyna baılanysty eki oblysta jol jabylǵany týraly habarladyq.