Jaıaý burqasyn, kóktaıǵaq: sınoptıkter 23 qańtardaǵy aýa raıy boljamyn jarııalady

ASTANA. KAZINFORM – Qazgıdromet elimizdiń birneshe óńirinde qolaısyz aýa raıyna baılanysty eskertý jasady.

Sınoptıkterdiń boljamy boıynsha, 23 qańtarda Túrkistan oblysynda túnde jáne tańerteń qar jaýady. Jaıaý burqasyn, kóktaıǵaq bolady. Oblystyń batysynda, soltústiginde, ońtústiginde, taýly aýdandarynda tuman bolady. Ońtústik-batystan soǵatyn jel soltústik-shyǵysqa aýysady, oblystyń batysynda, soltústiginde, ońtústiginde, taýly aýdandarynda 15-20, túnde oblystyń taý asýlarynda ekpini 23-28 m/s. Túrkistanda keı ýaqyttarda qar, jaıaý burqasyn, kóktaıǵaq, tuman túsedi. Ońtústik-batystan soltústik-shyǵysqa aýysatyn jel soǵady, ekpini 15-20 m/s.

Shymkentte qar jaýady. Jaıaý burqasyn, kóktaıǵaq, tuman bolady. Ońtústik-batystan soltústik-shyǵysqa aýysatyn jel soǵady, ekpini 15-20 m/s.

Mańǵystaý oblysynyń batysynda, soltústiginde, ortalyǵynda kóktaıǵaq, tuman bolady. Aqtaýda túnde jáne tańerteń tuman túsedi.

Pavlodar oblysynyń soltústiginde tuman bolady.

Almaty oblysynyń taýly aýdandarynda keı ýaqyttarda qar jaýady.

Qaraǵandy oblysynda qar, burqasyn bolady. Soltústik-shyǵystan soǵatyn jel ońtústik-batysqa aýysady, kúndiz oblystyń ońtústiginde ekpini 15-18 m/s. Qaraǵandyda keı ýaqyttarda qar jaýady, jaıaý burqasyn júredi.

Ulytaý oblysynyń ońtústiginde, shyǵysynda, ortalyǵynda qar, jaıaý burqasyn bolady.

Shyǵys Qazaqstan oblysynyń batysynda, soltústiginde, shyǵysynda qar, burqasyn júredi. Oblystyń soltústiginde tuman túsedi. Soltústik-shyǵystan soǵatyn jel ońtústik-shyǵysqa aýysady, kúndiz oblystyń shyǵysynda, ońtústiginde 15-20 m/s. Óskemende tuman túsedi.

Abaı oblysynyń batysynda, ońtústiginde qar jaýady, burqasyn bolady. Oblystyń soltústiginde tuman túsedi. Soltústik-batystan soǵatyn jel ońtústik-batysqa aýysady, oblystyń batysynda, ońtústiginde, ortalyǵynda 15-20 m/s.

Qyzylorda oblysynyń batysynda, ońtústiginde, shyǵysynda tuman, kóktaıǵaq bolady. Qyzylordada joldarda kóktaıǵaq bolady.

Jambyl oblysynda qar, jaıaý burqasyn, kóktaıǵaq, oblystyń taýly aýdandarynda qatty qar, kúndiz oblystyń soltústiginde, ońtústiginde, taýly aýdandarynda qar, jaıaý burqasyn, kóktaıǵaq kútiledi. Keı ýaqyttarda tuman kútiledi. Ońtústik-batystan jel soǵady, oblystyń ońtústik-batysynda, soltústik-shyǵysynda, taýly aýdandarynda 15-20 m/s, ekpini 23-28 m/s kútiledi. Tarazda túnde jáne tańerteń qar, jaıaý burqasyn kútiledi. Keı ýaqyttarda tuman, kóktaıǵaq kútiledi. Ońtústik-batystan jel soǵady, ekpini 15-20 m/s, keı ýaqyttarda 25 m/s kútiledi.

Batys Qazaqstan oblysynyń batysynda, soltústiginde, shyǵysynda tuman, kóktaıǵaq bolady. Oralda da tuman, kóktaıǵaq bolady.

Atyraý oblysynyń batysynda, ońtústiginde tuman túsedi.

Aqtóbe oblysynyń soltústiginde, ońtústiginde, shyǵysynda qar jaýady, jaıaý burqasyn júredi.

Qostanaı oblysynyń shyǵysynda, ońtústiginde tuman túsedi.

Aqmola oblysynda azdap qar jaýady, jaıaý burqasyn júredi. Oblystyń batysynda, ońtústiginde tuman túsedi.

Aıta keteıik, aýa raıynyń qolaısyzdyǵyna baılanysty elimizdiń birqatar óńirinde respýblıkalyq mańyzy bar avtomobıl joldarynda kólik qozǵalysyna ýaqytsha shekteý engizildi.