Jaı túsken júkti áıel aman-esen bosandy
ASTANA. QazAqparat - Dárigerlerdiń habarlaýynsha, amerıkandyq Kımberlı Gordon esimdi náresteniń joly bolǵan. Atap aıtqanda, sábı ómirge keler aldynda birneshe saǵat buryn onyń anasyna jaı túsken.
Dárigerlerdiń qaýiptenýine qaramastan, bala ómirge deni saý bolyp kelgen, dep jazady sheteldik BAQ.
Nıý-Meksıko shtatynyń azamatshasy Kendra Vılıanýeva óziniń kúıeýi ıAnmen AQSh-tyń Táýelsizdik kúnine arnalǵan merekelik sharany kórýge barady. Sol kúni jaýǵan nóser kezinde júktiliktiń segizinshi aıyndaǵy Kendraǵa jaı túsken.
Dárigerlerdiń aıtýynsha, osy oqıǵadan keıin bir saǵattan soń áıeldiń tolǵaǵy bastalady. Sol kúni keshke ol qyz balany ómirge ákeldi. Dárigerler naızaǵaıdan keıin sábıdiń deni saý bolyp týǵany tańqalarlyq jaǵdaı ekenin atap ótýde.
Olardyń aıtýyna qaraǵanda, tarıhta júkti áıelderge naızaǵaı túsýiniń 11 oqıǵasy tirkelip, onyń beseýinde balalary aman qalǵan.
Alaıda balaǵa naızaǵaı áser etken kórinedi. Búginde náreste bir jasqa tolǵanymen, ol otyra almaıdy jáne eńbekteýge qaýqarsyz. Sonymen qatar qyzdyń as qorytý júıesinde problemalar paıda bolǵan.
